OFW LIFE: My 5-year old daughter's love to her daddy

Video Credit: www.facebook.com/icaryves/videos

Kamusta na kaya ang istorya ng mag-amang ito. Nakakalungkot talaga kapag ang isang OFW ay paalis na nang bansa. Ito ang isa sa pinaka mabigat na desisyon ng isang OFW. Kaya sa lahat ng mga OFW na nakikipag sapalaran sa ibang bansa saludo po kaming lahat sa inyo. Maraming sakripisyo ang dinadanas ninyo lalo sa mga may pamilyang iniwanan sa Pilipinas.

Sundan natin ang kanilang istorya sa pagbabalik ng bansa ni Kuya, sana magpost ulet sila kung ano naman ang reaksyon ng kanyang mga anak sa kanyang pagbabalik.

Salute sa inyong mag asawa mabuhay ang lahat ng mga OFW Families.

Kadamay - Batas Militar MarcosDuterte Poster

www.facebook.com/kadamaynational

Ano nga ba ang pinaglalaban ng mga kadamay?

Sa aking pag kakaalala, sila lang naman ang grupo na umukopa ng isang pabahay ng gobyerno sa Bulacan. Sinabi nilang sila ay mahihirap at walang kakayahan bumili ng sariling bahay. Naalala ko pa nga sa bait ng Pangulo ng bansa ibinigay sa kanila ang mga bahay na kanilang sapilitang inukopahan. Sinabi ng pangulo na mahihirap ang mga taong yan kaya pabayaan na lang natin. Nakakalungkot lang dahil sa kabila ng pagbibigay sa kanila ng pabahay ganito pa ang kanilang igaganti sa pangulo ng bansa.

Kaming mga OFW kailangan kumayod para lang magkaroon ng sariling bahay. Hindi kami nagrereklamo kahit na pagod na aming mga katawan sa pagtatrabaho. Ang kumita ng pera sa ibang bansa ay hindi naman ganun kadali. Minsan nga ay hirap ang mga OFW, dugo at pawis ang puhunan para lang kumita ng pera. Minsan nga ay napapasama pa sa kanilang mga employer at ang iba naman ay hindi pinapasweldo. Ilan lang yan sa mga sakripisyo ng isang OFW.

Photo Link: www.facebook.com/kadamaynational

Nang makita ko ang page na ito ay parang may gusto silang palabasin, gusto nilang labanan ang gobyerno. Masakit sa mata ang kanilang ginagawa dahil nag aalala kami sa kaligtasan ng aming ma mahal sa buhay. Para sa akin or siguro karamihan sa aming mga OFW ay pabor kung magkakaroon muli ng batas militar sa buong Pilipinas. Takot kami para sa kaligtasan nang aming mga mahal sa buhay. Maraming mga masasamang tao ang nalipanan sa daan at hindi natin iyon makokontrol dahil pinapasama nila ang imahen ng lipunan.

Kung magkakaroon man ng batas militar sa buong bansa siguro alam ko naman na hindi gagawa ang pangulo ng bansa na ikapapahamak ng karamihan. Yung mga taong kontra lang sa pangulo ang alam kong gagawa ng masama. Takot sila dahil alam nilang maaapektuhan ang kanilang mga gawain.

For the sake of all Pilipino, hindi natin kailangan ipakita sa buong mundo na watak watak tayo. Kailangan natin magtulungan para sa ikauunlad ng bansa at hindi sa ikakasama ng karamihan. Sana magkaroon na nang tunay na kapayapaan sa bansa natin. Sa aming mga OFW nais naming maging panatag ang aming isipin para sa kaligtasan ng aming mga pamilya.

Kaya sa mga taong nasa likod ng KADAMAY mag isip naman kayo at hindo puro kayo batikos sa gobyerno. Wala na nga kayong naitutulong sa bansa puro pa kayo pasaway. Magtrabaho kayo para hindi kayo umasa sa gobyerno.

SHABU Capital of the world

Source: Philippine All-Stars

Manila Philippines - Marami na ngayong napapatay na mga drug pusher, drug addict at mga supplier ng droga. Ito na ba ang tamang pagkakataon para malinis ang ating bansa tungkol sa drugs. Kabi- kabila ang hulihan at raid sa mga kuta ng sindikato. Kung ating pong babalikan ang nakaraang adminstrasyon bakit hindi po ito nasupil noong nakaupo pa ang mga ito. Hinintay pa ba nila ang bagong Presidente na magpatupad ng ganitong hakbang o sadyang hindi nila hinuli ang mga sindikato dahil may alam sila dito.

Nakakalungkot isipin na sa sa loob ng anim na taong pamumuno ni Presidente Nonoy Aquino at mga alipores niya ay hindi nasugpo ang droga na buong bansa pala ang apektado. Ngayon nga ay nabansagan tayong SHABU Capital of the world. Nakakainis isipin na wala man lang ginawang aksyon ang nakaraang paumunuan ng gobyerno ukol dito.

Tama nga si Presidente Duterte na talamak ang droga sa ating bansa at ito ang kumikitil ng buhay sa mga mamamayan. Kaya tama lang ang kanyang unang plano na linisin ito at alisin ang mga taong nagproprotekta sa mga ito. Kamakailan lang ay tinukoy niya ang mga general nang pulisya na sangkot sa droga. Sa pagkakataong ito ay naglabasan na ang mga pulis na sangkot din sa droga. Sa susunod na mga araw ay papangalanan na rin ang mga opisyal ng gobyerno na sangkot sa Illegal drugs. Mula sa mayor ng mga lalawigan hanggang sa mga opisyales ng gobyerno na sangkot sa drugs ay kanyang isisiwalat.

May mga ilang personalidad naman ang kumikwesyon sa pagpatay sa mga drug pusher at drug addict na lumaban sa kapulisan. Isa na diyan ang bagong senadora na Leila De Lima at Lito Atienza na dating mayor ng Maynila. Ayon sa kanila nilabag ng mga pulis ang due process of law o karapatang pangtao ng mga hinihinilang drug pusher. Ayon sa kanila ay kailangan pa ding dumaan sa prosesong legal ang mga ito.

Maraming mga mamamayan ang natuwa at mayroon din hindi nasiyahan. Karamihan sa mga napatay ay maliliit na mamayan lamang pero ang mga big time drug lords ay hindi pa din nasusugpo. Sana magkaroon ng batas lalo na sa mga banyaga na sangkot dito ay mahatulan ng mabigat na parusa upang hindi na muling makagawa ng ganitong klaseng operasyon.

Alam natin na sinisikap ng kapulisan at ng bagong gobyerno sa pamumuno ng ating Presidente Duterte masugpo ang droga at kriminalidad sa ating bansa. Umaasa tayong muling aangat ang ating bansa sa kahirapan at magkaroon ng magandang buhay ang bawat mamamayan. Sana ay patuloy na magkaroon ng kapayapaan at katahimikan ang ating bansa upang ang mga OFW ay kampanteng nakakapag trabaho ng maayos sa ibang bansa para sa kanilang mga mahal sa buhay.

Fly Dubai Boeing Crash

Fly Dubai Boeing Crash on Russia kills 60 on board

Source: RT

OFW nawalan ng pera sa NAIA

Kaawa awa ang sinapit ng isang OFW na nawalan ng pera dahil nakalimutan niya saglit ang kanyang dalang bag na naglalaman ng kanyang salapi at mahahalagang dokumento.

Masakit sa kanyang kalooban dahil ito ay pinagpaguran ng mahabang panahon sa ibang bansa. Matagal niyang inipon iyon para sa kanyang pamilya. Ang mga tauhan ng NAIA ay may obligasyon sa mga OFW na protektahan ang mga gamit dahil iyon po ay kanilang trabaho.

Kung tayo po ay uuwi upang magbakasyon ay ito po ang maaari natin gawin upang maka iwas tayo sa pagkawala ng ating salapi.

1. Kung po ay may malaking halaga na pera ay maaari na po ninyong ideposito sa inyong OFW bank gaya ng BPI, BDO, AUB at iba pang OFW bank.
2. Maaari na rin po ninyong ipadala sa mga remittance center gaya ng M Lhuiler, Cebuana, Money transfer, Western Union, LBC at iba pang remmitance center upang wala na kayong dalang malaking pera habang nasa bihaye kayo pauwi ng Pilipinas.
3. Kung magdadala po kayo ng pera siguraduhun po ninyong hawak po ninyo ito at hindi po ninyo ilalagay sa mga gamit at ihahalo ito sa bag.
4. Umiwas sa mga hindi kilalang tao na sa una ay mabait sa inyo yun pala ay miyembro ng mga magnanakaw gaya ng salisi gang, budol budol gang at iba pang mga sindikato sa pagnanakaw.

Isipin po natin na ang perang ating inuuwi ay isa sa mga rason bakit tayo nag ibang bansa. Wag po natin hayaan itong mawala lalo na ito po ay ating kailangan.

Maingat po tayong palagi sa ating paglalakbay.

- Ang buhayOFW

Delay ang Sweldo ni Buhay OFW

Naranasanan mo na rin bang madelay ang sweldo?

Kung ang sagot mo ay OO marahil isa ka nga sa mga OFW na malaking ang problema. Isa kasi ito sa kinakatakutan ng mga OFW dahil malaking epekto ito sa kanilang pamilya. Naaalala ko pa nga dati na marami sa mga kaibigan ko ang nakaranas ng ganitong sitwasyon. Ang ilan sa kanila ay umuwi na ng Pilipinas ay hindi na tinangka pang umalis muli ng bansa.

Sa ilang taon kong pamamalagi at paglilibot dito sa abroad ay nakakasalamuha ako ng kapwa ko OFW doon nila nababanggit minsan na kailangan nila ng pera dahil nga sa delay ang kanilang sweldo. Nakakagulat nga minsan ang kanilang kwento dahil umaaabot sa 3 hanggang 5 buwan ang pagkadelay. Ang malupit pa minsan ang balitang magsasara ang kanilang kumpanya at wala silang makukuhang kahit na ano maliban sa kanilang air ticket.

Sa mga ganitong sitwasyon na nalalaman natin kailangan natin ng maagap na pagtungon. Ano ba ang maaari nating gawin kung sakaling delay ang ating mga sweldo.

1. Kailangan natin itong paghandaan, kung alam nating delay na ng isang buwan ang ating mga sweldo ay magkaroon ng pagbubudget sa ating mga pera.
2. Wag ng maging maluho sa pagbili ng mga bagay na materyal at hindi naman kailangan sa buhay.
3. Ipaalam agad sa ating mga mahal sa buhay ang totoong sitwasyon na nararanasan natin upang aware sila na hindi gumastos ng gumastos.
4. Subukan maghanap ng alternatibong paraan upang magkahanap ng dagdag na pagkukunan ng pera. Halimbawa na ang mamulot ng lata, bakal, at katulad nito upang may magamit sa pang araw araw.
5. Lumapit sa mga kaibigan at sa kinauukulan (POLO, OWWA at embassy) upang magkaroon ng solusyon sa pagkadelay ng inyong sweldo.

Ilan lamang yan sa mga paraan upang maagapan natin ang pagkakaproblema sa pagkadelay ng atin mga sweldo. Hindi natin kailangan mahiya sa ating mga kamag anak at kakilala dahil ganito talaga ang BUHAYOFW minsan swerte at mas marami ang malas dahil sa mga katulad ng ganitong karanasan.

Sabi nga nila diba tayo ang bayani ng henerasyon pero paano kung isa ka nakakaranas ng ganito. Pwede ka bang tawaging "Bayani" sa tingin ko malabong kang maging bayani dahil bigo tayo sa ating pangarap.

Sana ay maaayos ang kalagayan ng mga OFW na hindi sumasahod ng tama sa kanilang mga kumpanya. Always pray nalang po tayo dahil walang imposible sa kanya kung tayo ay dadalangin at hihingi ng tulong

More power BuhayOFW ang God Bless sa ating lahat.

Presyo ng Bigas - P42.00 na ang pinakamababa

Totoo nga na wala ng mabibili na murang bigas ngayon! Ang pinakamababang halaga ng bigas ay P42.00 at iyon pa ang pinaka mababang klase ng bigas. Anu na ba talaga ang nangyayari sa bayan natin. Mas marami na ngayon ang magugutom nito dahil sa taas ng presyo ng bigas. 

Kung iisipin natin sa isang pamilya kailangan ng 2-3 kilo ng bigas isang araw para makakain ng tama kung kayo ay mahigit sa 5 katao. Ang isang kilo ng bigas ngayon ay P45 na ang isa sa masarap kainin 45x3= 135 pesos sa isang araw para may maihain tayong bigas sa ating pamilya. Kung tayo ay mag kukwenta sa isang buwan ito ay aabot sa mahigit na 4,050 pesos para makain ang isang pamilya.

Masyado na atang malaki ang gastusin ng isang pamilya ngayon. Kailangan magtrabaho ng maiigi si tatay o maging si nanay para may maihain na bigas sa kanyang mga anak. Isipin natin na bigas palang yan wala pang ulam. Ganito na ba talaga ang mamuhay sa panahon natin ngayon. 

May magagawa kaya ang ating gobyerno upang maibalik sa normal na presyo ang bilihin lalo na ang bigas na siyang kailangan ng bawat tao. Sana magawa pa nilang maibaba ang presyo ng bigas upang kahit papaano ay maibsan ang hirap na dinadanas ng bawat pamilyang Pilipino.

Sariling opinyon lang po mga ka BuhayOFW

Lindol sa Pilipinas - 7.2 magnitude

Niyanig ng napakalakas na lindol ang bisaya region kabilang ang Cebu, Bohol at karatig na probinsya. Ayon sa balita 20 na ang kompirmadong patay sa insidente dahil sa gumuhong gusali at marami din ang napabalitang nasaktan. 

Nangyari ang malakas na lindol sa bayan ng Carmen 8 kilometro ang layo nitong martes 8:12 ng umaga sa sukat ng 7.2 magnitude.

Narito ang sukat ng lindol sa iba't ibang dako 

(National Disaster Risk Reduction and Management Council (NDRRMC)

Intensity VII - Tagbilaran, Bohol

Intensity VI - Inigaran, Negros Occidental

Intensity V - Iloilo City; la Carlota, Negros Occidental

Intensity IV - Masbate City, Roxas City, San Jose Culasi, Antique; Guihulngan, Negros Oriental

Intensity III - Davao City 

Marami ang nangangamba na may darating na Tsunami dahil lakas ng lindol pero nilinaw ng Philvocs na walang Tsunaming mangyayari. Ito ay base na rin sa inilabas na balita ng
The Pacific Tsunami Warning Center. 

Maraming nawasak na gusali kabilang na ang isang lumang simbahan, nawasak din ang isang mall at ilang kabahayan dahil sa lakas ng lindol. Pinag iingat ang lahat na kung sakaling umulit ang lindol ay lumabas sa mga ligtas na lugar upang hindi mabagsakan ng mga mabibigat na bagay.

Maraming OFW ang nag aalala sa kanilang mga mahal sa buhay na naapektuhan ng nasabing lindol. Kaya po mag iingat po ang lahat sa mga ganitong klaseng sakuna.

 

Batang Hinampas sa Semento Patay na

BuhayOFW - ni Alex P. Flores

Nagdudurugo ang aking puso sa isang balitang lumabas kamakailan lang tungkol sa isang bata na hinampas ng kanyang sariling ama sa semento sa harap pa mismo ng isang istasyon ng pulisya.

Hindi ko na halos tinapos panoorin ang nasabing balita sapagkat hindi kaya ng aking kalooban na malaman ang nangyari sa bata. Kaming mga OFW sa ibang bansa at nag tatrabaho para sa kinabukasan ng aming mga anak. Masakit sa kalooban na malaman ang ganitong klaseng pagmamaltrato sa mga bata.

Kahit hindi ko kakilala ang nasabing bata ay hindi ko matiis sa aking sarili ang panghinayang sa kinasapitan nito. Kahapon lamang ay nabalitaan kong pumanaw na ang nasabing bata. Kinokondena ng BuhayOFW ang ganitong klaseng kalokohan na hindi dapat pamarisan.

Kung sinasabing may sakit sa pag iisip ang nasabing Ama hindi ito dahilan upang ipawalang sala siya ng hukuman. Baka maulit pa ito sa ibang bata na mapag tripan niyang ihampas sa semento.

Ang ganitong klaseng kaso kinakailangang na mabigat na parusa. Ikulong ang salarin ayon sa sa ating batas katulad ng karaniwang inihahain sa mga taong nakapatay ng tao. Malinaw na ito ay mabigat na kasalanan kahit pa na mayroon siyang sakit sa pag iisip.

Mabulok sana sa bilangguan ang taong ito upang hindi na pamarisan pa ng ibang magulang na walang awa kung manakit sa kanilang mga anak. Kawawa lamang ang mga kabataan na patuloy na nagdaranas ng pananakit sa kanilang mga mahal sa buhay. 

Kayo ang Boss ko - Pres. Pnoy

KAYO ANG BOSS KO.....Pnoy

           Ilang speech pa ba ang maririnig natin kay Presidente Aquino tungkol sa usaping tayo daw ang boss niya "ang mga mamamayan" kung hindi naman niya mapapatunayan na maging maginhawa ang pamumuhay ng ating mamamayan.

          Multi bilyon ang perang involve na nawawala sa kaban ng bayan na dinidinig sa senado dahil sa mga senador at congressman na dawit sa malademonyong korapsyon sa ating gobyerno. Kung ang mga magnanakaw nga ng barya sa lansangan ay sinusupil paano pa kaya itong bilyong piso anomalya.

       Nakakulong na ang sinasabing gumawa ng transaction para mailabas ang pondo ng gobyerno. Ano naman ang drama na makikita natin na gagawin ng mga ito. Sa totoo lang natatakot na talaga ako sa kinabukasan ng pamilya ko sa Pilipinas kung patuloy pa rin ang pagpahihirap nila sa taas ng bilihin. wala na ba talagang magagawa ang gobyerno para sa ikakabuti ng mga mamamayan. 

        Malaking ang TAX ng mga mamamayan samantalang sa Middle East wala kami kahit centemong TAX na kinakaltas. Naalala ko pa nga nung nagtatrabaho pa ako sa Makati na above minimum pa rate nang sweldo ko pero kung kaltasan naman ako ng kumpanya ko ay halos kaparehas ko na rin ang minimum wages noon at halos doon lang din napupunta ang sweldo ko.

         Ito kaya ang TAX ang pinaghatian nila ngayon na kinaltas sa aming mga manggagawa, grabe bilyong piso sa dalawang taon. Ilang anomalya pa ang lumabas sa mga balita ang natuklasan ang nakakagulat hindi lang 10 bilyon piso kundi may 100 bilyong piso pa ang nawala na lang ng bigla sa kaban ng bayan.

       Ilang pamilya ang matutulungan magkaroon ng puhunan para magtayo ng negosyo sa perang ito, ilang mag aaral na ang makakapag aral ng libre sa pera ito, at ilang mamamayan na ang mabibigyan ng programang pabahay. 

    Nakakalungkot talaga dahil sa pangyayaring ito, imbes na guminhawa ang mga mamamayan ay nasasadlak lalo sa kahirapan. Kung meron lang ako super power na pwedeng gamitin at matulungan ang mga tao gagawin ko agad pero wala ehhh! kaya idinadaan ko na lang sa munting panalangin kasama ang pag asenso ng ating bansa. 

      Para sa ating Presidente Pnoy hindi po ako againts sa inyong gobyerno pero sana naman po ay matupad ang sinasabi mong kami ang Boss mo. Kung nagkasala ang mga sanghay ng gobyerno sana wala kang kilingan sa kanila. Papanagutin mo kung anu man ang magiging kaparusahan nila.

       Para naman kay Janet Napoles, marami na ang nag aakusa sayo sana sabihin mo na ang katotohanan dahil masyado ng bulgar ang ginawa mong kalokohan sa mga mamamayan. Hindi po tanga ang mga tao dahil totoo namang hindi kapanipaniwala ang kayamanan ng iyong pamilya. Kaya ituro mo na kung sino sino ang mga sangkot sa bilyong piso na naglaho ng parang bula.

-BuhayOFW-

Patay na si Lolong - OFW malungkot

Nalaman ng buong mundo na si Lolong ay namatay nitong nakaraang Febrero 10, 2013 sa ganap na 8:00 ng gabi na isa sa pinakamalaking crocodille sa buong bundo.  Marami ang nagulat sa biglaang pagkamatay na isa sa maituturing nating kayamanan. Sayang naman dahil kung buhay pa siya lalong makikilala ang ang ating bansa.

Alam kong isa ka rin sa nagtatanong kung bakit nga ba siya namatay ng ganun lang kaaga at nasa pangangalaga pa ng ating ahensya ng gobyerno. Samantalang nabuhay siya halos 50 taon sa Bunawan Agusan del sur na wala namang naging problema. Nakakapanghinayang talaga! 

Ano nga ba ang kahalagahan ni Lolong sa atin ng bansa, noong nabubuhay pa siya pinag aagawan siya ng dalawang ahensya ng gobyerno kung kanino nga ba dapat siya mapunta para alagaan siguro dahil sa marami ang magkakainterest na dalawin siya "tourist spot" ika nga. 

Mas lalong nakilala ang bayan ng Bunawan Agusan del sur dahil sa kanya, kaya nga nais ng kanilang mayor na si Elorde na manatili sa kanila para maalagaan ito dahil doon sanay si Lolong. 

Farewell Lolong.....

Tribute to Dolphy Rest in Peace IDOL

Manila Philippines - Isang nakakalungkot na balita ang ating natunghayan sa araw na ito July 10, 2012 sa Makati Medical Center sa edad na 83 taong gulang nagpaalam ang ating Comedy King. Ang pamamaalam ng ating King of Comedy ay pagluluksa ng ating buong kapuluan. Alam naman nating lahat na hindi matatakasan ng kahit sino man ang ganitong pangyayari. Lahat tayo ay darating sa puntong magpapaalam at magpapahinga dala ng ating iba't ibang karamdaman. 

Ang kanyang ala-ala ay hinding hindi mawawala sa ating lahat. Ganyan natin inilalarawan ang ating COMEDY KING DOLPHY. Pumanaw man siya ngunit ang kanyang mga pagpapatawa, pagpapaiyak at maging ang pagpapayo sa ating lahat ay nakatatak na sa ating isipan.

Hindi man natin nakita ng personal ang ating idolo alam nating  lahat na nasa mabuti na siyang kalagayan at makakapag pahinga na siya ng maayos  kapiling ang ating dakilang lumikha.

Paalam po sayo ginoong Rodolfo Vera Quizon Sr. mula po sa lahat ng OFW sa buong mundo ay sumasaludo po sa inyo. Isa po kayo sa maituturing namin malaking kasangkapan para kami ay malibang sa panonood po namin sa inyo sa pamamagitan ng telebisyon upang mapawi ang aming mga kalungkutan dahil sa pagiging malayo sa aming pamilya.
Maraming salamat po Sir.......

Dolphy with Panchito


Dolphy with Vic Sotto

Pacquiao Loss to Bradley

Bakit nga ba natalo si Pacquiao? 

Marami ang nagtatanong bakit nga ba natalo si Pacman? Isa na ako sa palaging sumusubaybay sa kanyang mga laban kahit na nasa ibang bansa ako ngayon.  Hindi ko napanood ng live ang kanyang laban dahil sa iba ang oras ng aming trabaho sa tuwing may laban siya kaya nagtitiyaga na lamang kami sa reply buhat sa CD  copy  na binebenta sa mga tindahan.

Bakit nga ba natalo si Pacman? 

• Dahil ba sa kababasa ng Bibliya at napapabalitang magpapastor na siya?

       Link: Bible study of Manny Pacquiao

• Dahil ba sa Issue tungkol sa mga trainer niya

       Link: Dahil sa Issue ng mga Trainer

• Dahil ba sa GAY marriage issue

        Link: Gay Marriage Issue

• Dahil ba sa pagiging congressman

       Link: Manny Pacquiao win as Congressman

• Dahil ba sa magreretire na siya

       Link: Manny Pacquiao Retire

Maraming mga tanong ang naglabasan dahil sa pagkatalo ni Manny Pacquiao at iyan ang mga sumusunod na pangyayari. Nakakalungkot mang isipin subalit sa labang ito ay mayroon talagang nananalo at natatalo. Sa labang iyan talo ang ating pambansang kamao at wag na nating palakihin pa ang issue tungkol kanyang naging pagkatalo.

Ito ang aking masasabi sa kanyang naging paghahanda sa laban.

• Hindi siya nakapokus sa kanyang laban dahil sa maraming mga aktibidad na kanyang pinuntahan.
• Lakwatsa dito lakwatsa doon ang kanyang ginawa
• Relaks na relaks na akala mo ay talagang kayang kaya niya ang laban
• Masyadong kumpiyansa sa kanyang kakayahan.
• Sobrang daming iniisip sa Pulitika at sa kanyang pagiging boksingero.
• Mahina na ang kanyang resistensya dahil sa mga batikos at isipin na palaging gumugulo sa kanyang isip.
• Mareretire na talaga siya

Sabi nga niya noong March 2012, ito na ang aking huling laban dahil sabi ni Lord mag retire na ako. Ito ang link: Manny Pacquiao Retirement

Ewan lang natin kung talagang totoo ang kanyang sinabi noon or isang way lang ito para sabihing may talo si Pacquiao at matuloy ang laban niya  kontra kay Mayweather.

Abangan nalang natin ang susunod na kabanata.......

Hayaan nalang natin ang mga batikos at no comment na lang sa laban ni Mr. Manny Pacquiao.....

3 Pinay sa Viallagio Mall Bagong Bayaning Maituturing

Doha Qatar - Tatlo sa ating mga kababayan ang nasawi sa naganap na sunog dito sa Viallagio Mall Doha Qatar. Sila ay sina Maribel Orosco, Margie Yecyec at Julie Ann Soco mga bagong guro ng Gympanzee Nursery School. Sumabak sila sa buhay abroad upang matulungan ang kanilang mga pamilya sa Pilipinas. Subalit sa hindi inaasahang pagkakataon ay nagkaroon ng malaking sunog sa kanilang pinapasukan at nagresulta ng kanilang pagkamatay.

Maituturing nating kabayanihan ang kanilang nagawa sapagkat hindi nila iniwanan ang kanilang responsibilidad bilang mga guro at tagasubaybay sa mga bata. Ang tanging nagawa na lang nila ay hindi iwanan ang kanilang mga alagang bata na kasama ring namatay sa loob ng gusaling iyon. Mahigit sa 19 ang namatay kabilang ang 13 mga bata, 6 na mga matatanda kabilang ang ating 3 kababayang Pinay at ilang civil depense personnel.

Nakakalungkot mang isipin dahil ang mga kababayan nating ito ay hindi rehistrado ng ating POEA at OWWA (Undocumented OFW). Ayon sa kanilang pinapasukan kasalukuyan pang inaayos ang kanilang mga papeles para maging legal na OFW workers dito sa Qatar. 

Ipanalangin natin na sana mabigyan ng kaukulang benipisyo ang mga ito.  Upang maihatid ng maayos sa ating bansa at makapiling ang kani kanilang pamilya na kasalukuyang nagluluksa sa kanilang pagkamatay. Nakatatak na sa ating mga puso ang pagiging bayaning Pilipino at iyon ang hindi maiaalis sa ating lahat.

Nakikiramay po ang buong BuhayOFW sa sinapit ng ating mga kababayang guro. Ikinararangal po namin kayo lahat na nagsakripisyo bilang mga guro at tagasubaybay.

  

Scarborough Shoal Protest

Manila - Isang mapayapang rally ang isinagawa ng ilan nating kababayan upang iparating sa bansang CHINA na ang lupaing Scarborough Shoal o mas kilala sa tawag na Panatag Shoal ay nasa teritoryo ng bansang Pilipinas. Ang kanilang protesta ay para ilabas ang kanilang saloobin tungkol sa pinag aagawang isla. 

Walang ibang hangad ang ating bansa kundi ang magkaroon ng lupain na mula sa ating likas na yaman. Ipinaglalaban natin ito upang ipakita sa buong mundo na hindi tayo gahaman sa maliit na lupain dahil ito ay nasa ating teritoryo. 

Bumuhos ang maraming balita tungkol naganap na pangsisita ng ating mga Navy tungkol sa ilang mga fishermen na mula sa China. Mula doon ay tumaas na tensyon kaya dagliang nagpadala ng ilang mga barkong pangdigma ang bansang China upang protektahan ang kanilang mga mangingisda. 


Ang ating gobyerno ay gumagawa ng ilang hakbang para maging matiwasay at maayos na ang gulo na nangyayari sa nasabing isla. Ang nagiging magulo lang talaga ay ang mga taong gumagawa ng ilang istorya upang lalo pang palakihin ang tensyon. 


Narito ang balita mula sa mapagkakatiwalaang source.

• BBC News
• News from Yahoo
• Radio Australia News

Maraming balita ang nakakarating sa aming mga OFW kaya sana naman maging maayos ang negosasyon sa dalawang bansa at matapos na ang gulo na nangyayari sa ngayon. Ang bawat pilipino na nag tatrabaho sa iba't ibang panig na mundo ay nakatutok sa nagaganap na pag uusap ng dalawang bansa tungkol sa nasabing isla. 

Hangad ng bawat isa sa atin ang isang matiwasay at maayos na pag uusap upang walang maging isipinin ang mga Buhay OFW .

Manpower Agency

http://www.workabroad.ph/ 

Ang papunta sa ibang bansa ay isang sugal sa kapalaran ng tao, hindi natin alam kung ano nga ba ang mangyayari habang tayo’y nakikipagsapalaran sa bansang ating pinupuntahan. Marami sa ating mga kababayan ang nagbabaka sakali na makipag sapalaran sa ibang bansa kahit alam nilang delikado ang kanilang pupuntahan.

Ang mga MANPOWER AGENCY ang tumutulong upang maka alis ng ibang bansa at makapag trabaho ang ating mga kababayan. Ngunit may ilang mga MANPOWER AGENCY ang inirereklamo ng ilan nating kababayan sa kadahilanan na sobrang paniningil sa kanila at ito ang dahilan kung bakit sila nababaon sa mga inutangan nila. Ang mababang sweldo at hindi pagsunod sa kanilang pinirmahang kontrata ang ilan sa mga hinaing ng ating mga kababayan.

Ang pag aabroad ay isang pagsubok sa ating kakayahan. Ang pagiging matiisin at matyaga nating mga Pilipino ang isa sa katangian na kailangan nating gawin sa tuwing tayo ay nasa ibang bansa. Ang tanging napapasaya lang sa atin ay ang maibigay sa ating pamilya ang mga pangangailan at pang araw araw na gastusin. Halos dalawang taon o isang taon ang ating tinitiis bago muling makabalik sa ating bansa at makapiling ang ating mahal sa buhay.  

  

Kung makakarinig ka ng mga kwento tungkol sa mga kababayan nating naghihirap dahil sa kagagawan ng mga manlolokong MANPOWER AGENCY tulungan po natin silang maisiwalat. Ang panloloko ng mga ganid sa perang mga MANPOWER AGENCY ang ating isuplong upang hindi na muling maka ulit pa. Patuloy pa rin ang pagtaas ng bilang ng mga kababayan nating nasasadlak sa kahirapan dito sa ibang bansa. Ito ang kanilang mga reklamo kaya pagtulungan po nating isuplong ang ganitong mga pahirap sa OFW.

Kung may mga hinaing po kayo tungkol sa inyong mga MANPOWER AGENCY isulat po ninyo sa angbuhayofw@gmail.com at subukan po natin silang isuplong para hindi nap o dumami ang ganitong mga kaso.

Maaari po ninyong bisitahin ang ating website http://buhayofw2010-2015.blogspot.com/ para ibang detalye.

Ang inyong lingkod BuhayOFW

Bayaning Marino

Costa Concordia - Kahanga hanga ang ipinakita ng mga Pilipinong tripulante na sakay ng Cruise Ship mula sa tumagilid na barkong Costa Concordia ng ITALIA. Ang ating mga kababayang Pilipino ang tumulong sa mga pasahero ng barko at nagligtas ng maraming buhay na nasa bingit ng kamatayan sakay ng barko.

Ang kanilang kabayanihan ay pinuri ng mga dayuhang sakay ng nasabing barko,  Hindi nila inalintala ang panganib at kamatayan mailigtas lang ang mga sakay nilang pasahero. Ang ilan sa kanila ay kumuha pa ng Video para gampanan ang kanilang tungkulin bahagi ng kanilang training.

Ang pangalawang buhay na ibinigay sa kanila ng may kapal ang pinagpapasamat nila ngayon at makapag patuloy sila sa kanilang mga trabaho sa susunod nilang byahe.

Narito po ang ilan sa mga balita at pangyayari sa lumubog na barko:

Ang BuhayOFW ay humahanga sa ipinakitang kabayanihan ng mga Pilipinong Seaferer ng Costa Concordia Cruise Ship ng Italia

Remmitance Center - "Hoy wag kang SUMINGIT sa Pila"

Doha, Qatar - Sa wakas sweldo na namin kailangan ko na magpadala ng pera sa Pilipinas, Mapuputulan na sila ng kuryente, wala na sila pambili ng pagkain at wala na rin gatas si bunso. Ganito palagi ang nasa isip ng mga OFW pagkatapos makuha ang kanilang pinagpagurang sweldo sa loob ng isang buwan.

Pagdating sa padalahan syempre ang unang una na aalamin ehhhhh kung magkano ba ang palitan ngayon? Pumunta ako sa Gulf Exchange 11.80/1QRs. lipat naman sa City Exchange 11.72/1QRs ang baba naman ng palitan. Isa na lang ang pinupuntahan ko pa dito na remittance ang Islamic Exchange tignan ko nga magkano ang palitan 11.74/1QRs. Ganito palagi ang ginagawa ng mga OFW kapag nahahawakan na ang kanilang mga sweldo. Pinupuntahan ang pinaka malaking palitan para medyo malaki ang mapadala.

Sa loob ng padalahan makikita natin ang iba't ibang lahi na nakapila sa kanila kanilang remmitance center. Iba't ibang klase ng amoy ang naglipana masakit sa ilong at pawisan ang iba. Karamihan sa kanila ay magpapadala sa kanilang mga mahal sa buhay. Pumunta ako sa pila ng mga Pilipino dahil sa Pilipinas (PinoyAKO) ako nagpapadala ng pera. Habang naghihintay ako sa napakahabang pila karamihan sa amin ay umabot na sa mahigit na isang oras ang hinintay. May mga napansin akong tao na pilit sumisingit sa pila para sila ang mauna. Karamihan sa amin ay naghintay ng mahabang oras para makarating sa unahan ng pila ngunit ano itong nakikita natin na merong ilang mga kababayan ang hindi marunong rumespeto sa kapwa na bigla na lang sisingit para makarating agad sa unahan ng pila. Ang gawain ito ay hindi maganda at hindi dapat pamarisan ng bawat pilipino na OFW. Minsan dito nagsisimula ang away at gulo na ang dahilan ay pagpila lamang.

Aktual na pangyayari:

Pinoy 1: Hoy wag kang sumingit diyan astig kaba!

Pinoy 2: Doon ka sa likod at huwag kang sumingit Pilipino kaba!

Pinoy 3: Parang wala kang pinag aralan ahhhh! nakuha mo pang sumingit!

Pinoy 4: Kanina pa kami dito tapos uunahan mo lang kami sa pila. Bumalik ka nga sa pinang galingan mo!

Pinoy 5: Umalis ka nga diyan at baka sapakin kita diyan.

Pinoy na sumingit sa Pila: Nakayukong umalis sa pila at nahihiya na ipakita ang mukha. Habang siya ay umalis sa pila narinig ko na nag-salita siya ng Sorry kabayan aalis na lang ako........

Pinoy 6: Buti naman at umalis ka baka kung ano ang gawin ko sayo.
Pinoy 7: Ayan ganyan nga ng hindi ka makatikim ng hindi magandang salita. Umalis ka na nga
Pinoy 8: Doon ka likod pumila.
Pinoy 9: Wag kang sumingit kanina pa kami dito doon ka sa likod

Habang papaalis ay minasdan ko ang mukha niya at parang naiiyak sa kanyang ginawa. Nag isip tuloy ako na baka may mabigat na problema si kabayan at kaya siya nagmamadali na pumunta sa harapan ng pila. Nakakaawa ngunit mali pa rin ang kanyang ginawa dahil sa hindi man lang siya nag sabi sa mga nakapila kung pede ba siya sumingit dahil may problema siyang hinaharap. 

Ang ganitong sitwasyon sa padalahan ay dapat nating ibahagi sa bawat Pilipino na OFW. Araw-araw nakikita natin na napakahaba ng pila sa mga padalahan ngunit nag titiis ang lahat sa atin na pumila dahil kailangan nating magpadala ng pera sa ating mga mahal sa buhay. Kung may mga pagkakataon po na Emergency Cases at kailangan po na maipadala agad ang pera. Mangyari po sana na magsabi lang po kayo sa mga nauna sa inyo sa pila para alam po nila at hindi kayo mapahiya sa kapwa ninyo Pilipino. Hindi nakakahiya ang maki usap at magsalita sa lahat dahil parehas lang tayo mga pinoy pero kung bigla ka na lang sisingit at hindi magsasabi malamang gulo at away ang iyong mapapala. Huwag po natin hayaan na ito ang pagmumulan ng away ang mga bagay na ito ay dapat nating iwasan. 

Salamat sa mga pilipino na nakasama ko kanina sa padalahan dahil sa inyo ay nakakuha ako ng isang sitwasyon na maaaring kapulutan ng aral ng bawat Pilipinong OFW.

Mula po sa BuhayOFW

NAIA - Pinaka worst na Paliparan?

Nakakagulat ang lumabas na balita mula sa website na www.sleepinginairports.net nitong nakaraang linggo patungkol sa ating paliparan. Ang Ninoy Aquino International Airport daw ang nangungunang WORST AIRPORT sa buong mundo ayon sa botohan. Hindi ko lubos maisip na ang ating paliparan ang siyang magiging pinaka pangit na paliparan sa buong mundo bakit nga ba basahin po ninyo ang nakasulat WORST AIRPORT. 

Laganap daw po ang corruption sa ating paliparan. Maging ang mga staff ng paliparan ay hindi daw po madaling lapitan para humingi ng tulong lalo na po ang mga turista na bumibisita sa ating bansa. Isang malaking kahihiyan po sa ating lahat na masabihan na hindi maganda at maayos ang ating paliparan dahil kahit saang panig ng mundo ay may mga Pilipinong OFW. Hindi magandang palikuran at ambiance ang kanilang mga comment lubhang nakakalungkot. Katulad na lang po nito "airport employees are the worst money hustlers around." - Steven" "Everywhere everyone asks for bribes. Never offer them anything. Act as if you do not know what they are saying and just walk past them. " - Native Filipino.

by trustma
Such a shame. I often visit Manila for business and must say I always enjoy my visit ...apart from the bloody airport. Terminal 1 needs to be demolished. It is filthy, too small and WAY past its prime. Lines are insanely long, and I was shocked that I had to pay an airport tax for such a shithole. There were no toilet seats OR RUNNING WATER in the bathrooms! A big bucket with a dipper was by the front door and about four attendants hassled me for a tip. When I asked a security guard where the smoking area was he told me to follow him...and took me out on to the tarmac (so much for security) where he then insisted on a bribe before he let me back into the terminal. How does one say "no" to a security guard with a gun? Last time I was there I saw that the new terminal 3 has opened, but only for Philippine based airlines. Well, I do hope they hurry up and move the rest over there soon and burn terminal 1 to the ground.


"I lost my cellphone between the drop-off at the entrance and the security check! The phone was in my side pocket of my handbag and this side pocket was slashed with a sharp knife! I mentioned it to the PNP officer and he referred me to an airport policeman. This guy had the guts to suggest that I go to the lost and found office and check if they found it. Long story short, he didn't even get my name and address to file a report and was just saying: ma'am there are many thieves in this airport. Just look after your belongings!"- Monette

Nakakalungkot isipin talaga!

Magandang sistema at maayos na pamamalakad ang dapat pag-tuunang pansin ng ating gobyerno. Maraming negosyante ang nagpakita ng interes at pagtitiwala sa ngayon lalo na ang mga Foreign Investor para sa ating bansa. Ang pagsasaayos ng ating paliparan ay katulad ng pagpapahalaga sa ating bayan ito ang simbolo ng bansang Pilipinas kaya dapat po nating ayusin. Papayag po ba tayong mga Pinoy na sabihan ang ating paliparan na nangunguna sa corruption at hindi magandang paliparan. 

Marami sa atin ang umaalis ng bansa gamit ang paliparan at ito ang isa sa mga tulay para makarating tayo sa ibang bayan. Kung napabilang man ito sa pinaka worst na paliparan na ipinupukol sa atin sa ngayon. Mangyari po sanang agapan ito para maiwagayway po natin ang Watawat sa Paliparan na pinagmamalaki natin sa ibang bansa.

Pagtulungan po natin na maisaayos ang ating pinakamamahal na paliparan para hindi po tayo pulaan ng mga dayuhang dumarayo sa ating bansa. Sa darating na buwan Disyembre marami sa ating mga OFW ang muling tatapak sa ating lupang sinilangan. Kabilang na po ang inyong lingkod upang magbakasyon at muling makapiling ang aking mahal sa buhay. Pinagmamalaki ko pong sabihin na iba pa rin ang Pilipinas kumpara sa ibang bansa dahil dito tayo pinanganak at nagsimula.

Ang pagbabalik naming mga OFW sa Pilipinas ang isa sa pinakamasarap maranasan ng mga nag-iibang bayan. Mula sa napakahabang taon na pagtatrabaho sa ibang bansa. Maigsing isang buwang bakasyon lamang ang minsang ibinibigay sa amin upang makapiling ang aming mga pamilya at hindi ito matutubasan ng kahit anong bagay. Ang Watawat sa Paliparan na nakatayo sa labas nito ang siyang simbolo ng bansang Pilipinas.

Ang inyong lingkod BuhayOFW

Add caption

Kamalasan ng OFW

Minsan ang buhay natin ay nasa itaas minsan naman nasa ibaba. Kapag pinalasap sayo ng tadhana ang masarap na buhay wag mong kakalimutan na may hangganan at maaaring mawala ito sa isang idlap lang. Lagi natin iisipin na ang mga bagay na tinatamasa natin ngayon ay may katapusan. Karamihan sa atin nagpapakahirap para kumita ng pera at may maipadala sa ating mga mahal sa buhay.

Alam kong iniisip mo rin ang kahirapan at kalungkutan na dinadanas natin dito sa abroad palagay ko parehas lang tayo ng nararamdaman. Nakikita natin ang  totoong kalagayan ng pagiging OFW sa bawat sakripisyo na ating ginagawa.

Ang panahon na ginugugol natin sa labas ng bansa ay dapat natin pahalagahan. Narito tayo upang kumita ng pera at maging maganda ang buhay sa kabila ng kahirapan na ating dinadanas sa mga kasamahan at maging sa ating mga Amo.

Naalala ko tuloy ang isang kaibigan na nakasama ko sa maikling panahon. Isa siyang ordinaryong mang-gagawa na ang ginagawa ay pag wewelding. Hindi maganda ang kompanyang pinasukan niya dalawa hanggang tatlong buwan na hindi pinasahod at maging ang tirahan ay pinagkait sa kanya ng kanyang amo. Sa madaling salita minalas si kabayan.

Sa Kabila ng kanyang kamalasan naging matatag si kabayan dumadalaw sa akin para makipag kwentuhan at minsan inaabutan ko ng konting halaga para makaraos sa isang araw. Maraming kaibigan ang tumulong sa kanya subalit talagang malas si kabayan. Hindi binigay sa kanya ang swerte sa ibang bansa marahil ay talagang hindi para sa kanya ang abroad.

Nitong taong ito 2011 nakauwi din siya sa Pilipinas sa halos isang taon at walong buwan na mapapalagi dito ibang bansa. Kinulong at pinadeport siya ng kanyang amo dahil talagang malaki na problema na kanyang hinaharap. Nakakalungkot ang nangyari kay kabayan pero nagpapasalamat pa rin siya sapagkat nakabalik siya sa ating bansa kahit na walang perang dala basta makasama lang niya ang kanyang mahal sa buhay.

Kung tayo man ay binigyan ng magandang trabaho at kumikita ng malaking halaga ipagpasalamat po natin ito sa ating Diyos Ama na nasa langit. Lagi natin iisipin na tayo ang saksing buhay kung ano ang tunay na kalagayan ng mga BuhayOFW dito sa ibang bayan. Wag natin kakalimutan ang panalangin sa ating Diyos ito ang mabisang paraan para gabayan tayo sa ating mga ginagawa. Makapamuhay ng payapa at maging matiwasay ang bawat panahon na ginugugol natin dito sa abroad.

Salamat po ng marami sa inyong pagbasa sa ating munting istorya.....