Ang Package - Abroad

Ni Alex P. Flores

      Nasubukan mo na bang magpadala ng package sa iyong mahal sa buhay lalo na sa mga kaarawaan at handaan?

Sa pagkakawalay natin sa kanila at matagal nating pagtatrabaho sa ibang bansa minsan dito nalang natin naipaparating ang pagbawi sa ating kakulangan. Kapag nakakakita tayo ng isang bagay na maaaring ipasalubong sa kanila kaagad nating binibili lalo na at alam nating magugustuhan nila. 

        Nakakapagbigay ito ng ngiti at saya sa kanila kapag nalaman nilang may dadating na package para sa kanila. Alam ko na nagawa at nadanas mo rin ang mga bagay na ito sapagkat parehas lamang tayo ng nararamdaman ang makaipon ng mga laruan at ilang gamit para sa kanila.

    

   

       Nitong Agosto 28, 2011 kaarawan ng aking bunsong anak na si Alexandra sa kanyang murang edad ay dama na niya ang saya na magkaroon ng mga bagong laruan at kagamitan. Hindi magkamayaw ang aking anak sa package na naghihitay para sa kanya. Umalis ako ng bansa na halos hindi pa siya nag lalakad at ngayon ay makakapag laro na siya ng mga pasalubong ko para sa kanya. Nakakatuwa diba!

    Sinamahan ko din iyon ng ilang kagamitan pang eskwela ng aking panganay na anak at ilang gamit sa bahay. Nakakatuwang isipin sapagkat hindi ko sukat akalain na ang ganitong bagay ay talagang nakakapagbigay sa kanila ng lubos na kasiyahan.

     Hindi pa nakakarating sa kanila ang munting pasalubong na galing sa akin at sobrang excited na ang kanilang nadarama. Alam ba ninyo na imbis na intayin nila ang delivery ng package sa aming bahay ay sila pa mismo ang kumuha ng package sa opisina na pinadalhan ko. Ang maliit na bagay na ating ginawa ay isang paraan para makabawi tayo sa ating matagal ng pagkawalay sa kanila dahil alam natin na masaya sila kung anu man ang laman ng package na pinadala natin.

   Ang pagdating ng package na nagmumula sa ating mga OFW na para sa ating mga mahal sa buhay ay isang paraan para ipaabot sa kanila ang ating regalo at pag-alala sa kanilang kaarawan o anu mang importanteng okasyon. Simpleng pamamaraan ang pagpapadala ng ganitong bagay subalit para sa kanila ay lubos ang kaligayahan na kanilang nadarama dahil may pasalubong na package na mula sa ibang bansa.

Ang aking karanasan

BuhayOFW - Nakakatuwang iisipin na sa simpleng pagsusulat at pagbibigay ng impormasyon sa ating mga kababayan ay napasama ang inyong lingkod sa mga listahan ng mga binabasa at tinatangkilik ng publiko hindi lamang sa internet at maging sa babasahing dyaryo na katulad ng Abante Middle East.

Ang malaking hamon na hinaharap ng inyong lingkod sa larangan ng pagsusulat ay isa-isang ko na pong pinag aaralan upang maipagapatuloy ko ang ganitong pagtulong sa kapwa na hindi kailan man naghahanap ng anumang kapalit bagkus ang patuloy po na mga kwento at istoryang nailalathala ay buong puso ko po pinagpapasalamat sa lahat ng aking nakatulong sa pagbibigay ng impormasyon at balita sa inyong lahat. Ang inyong pagsupota at pagsubaybay ay isa na pong malaking kasiyahan sa inyong lingkod.

Nais kong pong palawakin ang aking adhikain at mga gawa upang sama sama po tayong magbigay ng ating mga istorya na nagmumula  po sa ating mga OFW upang kahit papaano ay mabigyan po natin sila ng mga payo at saway kung paano po ba ang tamang pamumuhay sa labas ng bansa.

Minsan pumasok sa aking isipan ang mga nakakulong natin mga kababayan na may iba't ibang kaso ng paglabag sa batas sa ibang bansa. Marami sa kanila ang nakagagawa ng mga maling gawain na hindi naman nila nais gawin ngunit nangyari sapagkat wala po silang kaalaman sa kanilang mga pinuntahan na mga bansa.

Kung inyo po sanang mamarapatin ay tumulong po tayo sa abot ng ating makakaya katulad na lang po iba't ibang kwento na nagmumula sa ating lahat ng mga BuhayOFW. Ang iba't ibang kadahilanan ay maaari po nating ibahagi sa pamamagitan ng ganitong klaseng pagbibigay ng impormasyon.

Mangyari po lamang na sumulat po kayo sa angbuhayofw@gmail.com upang maibahagi po natin sa ating mga kababayan ang istoryang kailangan po nilang malaman. Isang paanyaya sa lahat ng mg kababayan nating nasa ibang bansa na magbahagi ng kanilang karanasan sa pagiging BuhayOFW.

Birmingham London - OFW

Sa dalawang araw kong panonood ng balita patungkol sa anu ba talaga ang dahilan ng paghihimagsik ng mga tao sa Birmingham London - United Kingdom. Sa ngayon ay balitang balita ang mga masasamang pangyayari doon. Kaguluhan na kasangkot ang mga kabataan na gumagawa ng hindi magagandang gawain para manggulo.


Maraming di kanais nais na pangyayari katulad ng pagkasira ng mga establisimento, pagnanakaw, pagsusunog ng mga sasakyan, paninira ng mga bahay at pangkabuhayan. Mahigit sa isang daan na ang naiulat na naaresto na mga kabataan at may na iulat na namatay pa. Iba't ibang kuro kuro ang dahilan bakit sila nangugulo at iyan po ang patuloy na inaalam ng inyong lingkod.

Nalaman ko ang pangyayari dahil sa isang mensahe na mula sa aking kaibigan at batchmate na nakatira doon malapit sa pinangyayarihan ng gulo. Sinabi niya sa akin na 30mins drive lang at malapit na siya doon.

Ang nagaganap sa London na karahasan ay may mga kababayan tayong OFW na nagtatrabaho doon sa mga lugar na pinangyayarihan ng kaguluhan at may mga naulat na pong nasaktan doon at kasalukuyang nagpapagaling. Kaya naman nagpalabas na nang mensahe ang embassy ng Pilipinas mula doon na huwag magpupunta sa mga lugar na pinangyayarihan ng kaguluhan. Patuloy po tayong mag ingat sa ating paglalakbay diyan sa pinangyayarihan ng kaguluhan at umaasa po ang BuhayOFW na wala na sanang madagdagan na masaktang OFW diyan sa Birmingham London at maging maayos na po ang lahat. Sana gumawa na po ng agarang solusyon ang mga matataas na opisyal at maasyos na po ang hindi pagkakaunawaan.

Kung may nais po kayong iparatin gsa BuhayOFw mangyari po lamang na sumulat sa angbuhayofw@gmail.com.

Maraming salamat po

Ang pagkakasakit o Aksidente

Isang mapagpalang araw po sa lahat ng aking mga ka BuhayOFW, Nitong nakaraang biyernes araw ng Agosto 05, 2011, Dumalaw po ang inyong lingkod sa isang kaibigan na nasa pagamutan. Nayaya lamang po ako ng aking mga kaibigan sapagkat nais din po nila dumalaw.

Isa sa mga naging dahilan kung bakit ako napasama sa kanila dahil nais ko malaman ang damdamin ng isang OFW na nakaratay sa pagamutan na hindi nila kasama ang kanilang mahal sa buhay.

Nakakalungkot diba! Hindi natin maikakaila ang lungkot sa kanilang mga mukha dahil dama nila ang hinagpis na nakaratay sa pagamutan sa ibang bansa at walang ibang nag aasikaso sa kanila kundi ang mga butihing nurse at doktor.

Ang mga aksidente at pagkakasakit sa ibang bansa ay hindi natin maiiwasan bagkus hindi naman natin hawak ang ating kapalaran sa abroad kung anu ba talaga ang mangyayari sa atin dito. Makailang beses na ako nakabalita ng mga kaibigan nating naoospital dito sa ibang bansa ngunit ngayon lang ako nabigyan ng pagkakataon na dumalaw sa kanila.

Sa aking pagdalaw agad kong kinamayan ang kaibigan nating nakaratay sa bed sheet daing ang nanakit na sugat na tinamo ng aksidente. Sa hindi inaasahang dahilan kung bakit siya naaksidente dala na rin siguro ng hindi pag iingat ng mga kasamahan niya kaya siya nakaratay sa higaan. Nakita ko ang tapang sa kanyang mukha dala na rin siguro ng kanyang lakas ng loob dahil nag iisa lang siya dito at walang kamag anak. Sinabihan lang din kasi ako na wala daw dumadalaw sa kanya kaya nag paunlak ako na puntahan siya kasama ang ilang kaibigan. Mahirap ang sitwasyon sa pagamutan dahil dadating sayo ang homesick at pag alala mga tanong sa isipan kung bakit pa kasi ako nag abroad at sisihin ang iyong sarili.

Ang pag iingat sa bawat ginagawa natin ang dapat nating laging isaisip sapagkat mahirap ang mamuhay sa abroad. Hindi natin maibabalik ang lahat sa isang idlap lang kaya doble pag iingat po ang dapat nating gawin. Kung maaari po maging maingat po tayo sa ating mga ginagawa nasa huli po ang pagsisi. 

Sa mga may nararamdaman sakit sa kanilang katawan wag po tayong mahihiyang magsalita sa ating mga employer sapagkat karapatan po natin na sabihin sa kanila kung may sakit tayong nararamdaman. Ipaliwanag natin ng maayos kung bakit tayo liliban sa ating trabaho para maipagamot ang ating mga nararamdaman. Hindi masama na ipaalam sa kanila ang ating tunay nararamdam dahil walang ibang tutulong sa atin kundi ang ating mga sarili. wag din po tayong papayag na hindi tayo bigyan ng medical insurance dahil bawat kumpanya ay nagbibigay ng medical card na magagamit natin sa pagamutan.

Isang paalala lang posa lahat ng ating mga kababayan

Kung may nais po kayong iparating sa BuhayOFW mangyari po sanang sumulat sa angbuhayofw@gmail.com

salamat po ng marami

Janela Lelis - Estudyante ng Malinao Albay

Nakatawag sa aking pansin ang kabayanihan ng batang ito na kanyang iligtas ang bandila ng ating bansang Pilipinas sa paghagupit ng bagyong Juaning. Nakakabilib dahil sa kanyang murang edad nasa isip din niya ang ganitong kabayahinan.


Isang kahanga-hanga ang kanyang pinakita ang pagmamahal sa ating bandila. Kaya naman ang BuhayOFW ay sumasaludo sayo at sana marami pa ang gumawa ng ganyang pagpapahalaga sa ating Bandila.

For the latest Philippine news stories and videos, visit GMANews.TV

Sa ating mga OFW nakita ko rin ito ng minsang magkaroon kami ng isang pag uusap-usap sa Dugong PINOY-UFV dito sa Qatar. Kung ano ba talaga ang tamang posisyon at kulay ng ating watawat ng pilipinas. Nalaman ko rin na bihira sa atin ang makapuna sa tamang posisyon ng ating bandila kapag ito ay nakapahalang ang posisyon at dito ko lang din napansin na marami pala sa ating mga kababayan ang nagpapahalaga kung gaano kahalaga sa kanila ang posisyon ng ating bandila.


Marami sa atin ang hindi natin nakakapansin sa tamang posisyon ng ating watawat dahil halos lahat naman sa atin kapag nakita na ang watawat ng Pilipinas na may asul, pula, dilaw, puti, araw at bituin ay iyan na ang bandila ng Pilipinas. Ang bawat disenyo na ginagawa ng mga kababayan natin na gumawa ng logo ng ating bandila ay dapat naaayon sa ating bandila dahil isa iyan sa ating trademark ng ating bandila.

Sa aking paglalakbay at pakikipag salamuha dito sa aking bansang aking pinuntahan ay tinama rin ang ilang lugar na may bandila ang Pilipinas katulad na lang sa ginawa ng aming kaibigan si Ma. Leonora Ilas na itinama niya ang bandila ng Pilipinas at personal pa niyang pinuntahan ito. Ang pag mamalaskit niya bilang isang ordinaryong tao ay kabayanihan na aking hinahangaan. Ang lahat ng mga taong nag asikaso ng pagtatama ng posisyon ng ating bandila sa iba't ibang panig na mundo ay atin pong pagtulungan dahil isa ito sa mga dapat naging maging ugali dahil tayo'y mga Pilipino. 

Ito ang ilan sa tamang posisyon ng ating Watawat ng Pilipinas

Puerto Princesa Underground River

Ang Puerto Princesa Underground River ay isa sa mga kalahok sa ginaganap na Seven Wonder's of the World. Ang buong Pilipinas maging ang lahat ng mga kababayan nating OFW sa iba't ibang panig ng mundo ay sumusuporta sa ating Kalikasan. Kaya naman buong pagmamalaki po nating sabihin sa ating mga kakilalang dayuhan ang ating pinag yayabang na Underground River na matatagpuan sa Palawan Philippines.

Kami na mula pa sa bansang Qatar ay nagkakaisa upang maipanalo ang ating pinagyayabang na underground River at iyan po ay suportado ng aming mahal na ambasador Crescente Relacion at lahat ng bumubuo ng embahada ng Pilipinas sa bansang Qatar.

Mula po sa ng bumubuo ng BalitangQ, CCA, Dugong Pinoy-UFV, FDOQ, PPUR Commitee, FilCom, at iba't ibang grupo mula sa Qatar ay sumusuporta upang maipanalo ang ating iniingatang Underground River.

Ilan sa paraan para bumoto:

Website: www.new7wonders.com

Pumili ng 7 kalahok kasama ang ating Puerto Princesa Underground River

Hintayin na confirm ang iyong boto. Forward na rin natin sa ating mga kaibigan, kamag-anak at kakilala.

Text Message: Alamin po ninyo ang cellphone provider na ginagamit ng bansang inyong nasasakupan at ubusin po ninyo ang inyong load. Para makadagdag boto sa ating PPUR

Telepono: www.new7wonders.com/vote-by-phone

1. Dial one of these international telephone numbers:
   +23 92201055
   +1 869 760 5990
   +1 649 339 8080
   +44 758 900 1290
2. At the end of the message, after the tone, insert the 4 digit code for your chosen nomine
3. When you hear the thank you message, you are all done – you have voted by telephone.
4. Ang ating PPUR ay 7723

Ramadan Kareem

Ang mga kaibigan nating muslim ay ipinagdidiwang ngayon ang simula ng Ramadan. Ang Ramadan ang isa sa pinaka importanteng araw para sa kanila kaya dapat nating respetuhin kung anu man ang kanilang mga batas lalo na sa mga lugar kung saan maraming tayong kapatid na muslim. Ang panahon na ito ay pag alala nila sa mga mahahalagang pangyayari sa relihiyong islam. Marami sa ating mga kababayan muslim ay itinutuon ang kanilang sarili sa pagdarasal.

Mula po sa mga nasaliksik kong kaalaman ay ibibigay ko po sa inyo kung anu-ano ang dapat gawin ng mga kababayan nating nasa bansang marami ang kapatid nating muslim.

Mga bagay na ginagawa ng mga kababayan nating Muslim.

1. Fasting - Alam naman natin na ito ang isa sa mga ginagawa ng mga kapatid nating muslim kapag araw ng ramadan. Dito kasi nila naipapakita ang kanilang disiplina sa sarili, sakripisyo at ang paggalang sa kautusan ng dakilang lumikha. 
2. Prayers - Marami sa mga kababayan nating muslim kapag panahon ng Ramadan ay inuukol nila ang kanilang sarili sa pagdarasal at pag aayuno.
3. Charity - Ang karamihan sa mga kaibigan natin mga muslim ay nag uukol ng panahon sa pagbibigay ng charity sa mga institution na kailangan ng tulong. Masaya sila kapag nagbibigay ng tulong dahil isa ito sa kautusan ng mga Muslim kapag araw ng Ramadan.
4. Respect - Ang panahon na ito ay puno ng respeto sa bawat isa lalo na sa mga kapatid nating muslim. 

Mga bagay na dapat nating gawin sa panahon ng Ramadan.

1. Sumunod sa kanilang panuntunan bilang respeto sa mga kaibigan nating muslim.
2. Wag kumain o uminom sa mga pampublikong lugar lalo na kapag oras ng Ramadan.
3. Wag manigarilyo o ngumuya ng tsiklet dahil ang ganitong gawain ay paglabag sa kautusan nila.
4. Mag ingat po sa pag mamaneho dahil karamihan sa mga kaibigan nating muslim ay fasting kaya medyo nahihilo po sila sa pag mamaneho.
5. Wag mag ingay sa mga pampublikong lugar at magpatunog ng malakas sa mga malapit na mosque para hindi magambala ang kanilang pag darasal.
6. Ang pananamit sa pambulikong lugar ay atin pong isa ayos wag po tayong mag suot ng mga maiikling damit na makikita ang ilang parte ng ating katawan.

Ang panahon ng Ramadan ay napakahalaga sa ating mga kababayang Muslim kaya ang panahon na ito ay ating igalang bilang pag respeto sa kanilang relihiyong ISLAM. Alam naman natin na isa ang Islam sa pinaka maraming aktibong relihiyon sa buong mundo. Ang kanilang bahagi sa kasaysayan ay nakatatak na ating mga isipan.

Mangyari po lamang na sumulat sa angbuhayofw@gmail.com kung mayroon po kayong nais iparating sa sulating BuhayOFW.

Maraming salamat po