Sa I'yo Lamang – OFW story

Sa I'yo Lamang – OFW story

ni BuhayOFW
"Ang storyang ito ay fiction lamang at batay sa mga tunay na nangyayari,
ang anumang pagkakahawig sa buhay ng iba ay pagkakataon lamang"

Mga Pangunahing Tauhan

Eng’r. Albert Ramirez (di tunay na pangalan) – Isang Civil Engineer na nagtatrabaho sa isang kumpanya sa Qatar. Kasintahan ni Rowena Santos.

Rowena Santos (di tunay na pangalan) – Kasintahan ni Albert at nasa Pilipinas (Sales Lady sa MOA)

Eng’r. Daisy Salcedo - Laxamana (di tunay na pangalan) – Isang Civil Engineer kasamahan sa trabaho ni Albert. May asawa at anak na nasa Pilipinas.

Jason Laxamana (di tunay na pangalan) – Asawa ni Daisy at nasa Pilipinas walang trabaho at bantay sa anak nila ni Daisy.

Ramon Santos (di tunay na pangalan) – Kaibigan ni Rowena noong high school days

Panimula:

“Honey! Kamusta kana, maayos na ba ang pakiramdam mo ngayon? Grabe ang init ngayon dito sa site almost 50degree celsius. Maitim na ang balat ko sa tindi nang init ng araw” tinig ni Albert at isang civil engineer sa isang malaking kumpanya dito sa Qatar.

“Hon ayos lang naman ako dito minsan na lang sumumpong ang asthma ko kaya maayos ang pakiramdam ko ngayon sagot naman ni Rowena na kasintahan ni Albert at isang sales lady sa Mall of Asia.

Maglilimang taon na silang magkasintahan at malapit na rin magpakasal dahil halos magkasundo naman ang kanilang mga pamilya at may maayos na rin plano sa buhay. Ang plano nila baka sa susunod na taon pagbalik ni Albert galing sa Qatar ay ikakasal na silang dalawa.

“Honey, Hayaan mo isang taon nalang at makakapag file na ako ng bakasyon dahil yun ang pinirmihan kong kontrata sa kanila konting tiis na lang honey ko. Miss na miss na kita at gusto ko ng hilahin ang araw para makapag bakasyon ako diyan at makasama kitang muli.

“Hon ikaw talaga pinapangiti mo na naman ako! Miss na miss na rin kita ang hirap kasi ng sitwasyon nating dalawa malayo tayo sa isa’t isa” paglalambing naman ni Rowena.

“Kaya nga hihintayin ko na lang ang pag uwi mo para naman makumpleto na ang araw ko. I love you hon ingat ka diyan palagi ahhh” dugtong pa ni Rowena.

“Ang sweet naman ng honey ko I love you too at mag iingat ka rin palagi diyan. Isipin mo na lang para sa atin dalawa ito at sa magiging pamilya natin kaya hintayin mo ako sagot naman ni Albert.

Natapos ang kanilang masayang usapan ng gabing iyon at sabik na sabik na hinalikan ni Rowena ang tanging iniwang alaala ni Albert sa kanya na isang litrato. Ganun din ang ginawa ni Albert dahil meron ding ibinigay na litrato si Rowena bago siya umalis ng Pilipinas.

Kinabukasan:

Maagang nagising si Albert dahil kailangan niyang asikasuhin ang kanyang sarili para pumasok sa kanyang opisina. Malayo pa ang kanyang destinasyon kaya kailangan niyang mag asikaso ng mga gamit at pagkain ng maaga. Nagluto siya ng kanyang almusal at tanghalian para baunin sa kanyang pagpasok sa trabaho.

Ganyan naman talaga ang buhay ng isang OFW lahat ng gawain sa bahay walang ibang mag aasikaso kundi ikaw lang at wala ng iba pa. Magluto, maglaba, mag plansta ng damit, mag asikaso ng mga gamit sa bahay at maraming pang iba. Sabi nga nila bawal ang magkasakit kasi walang ibang tutulong sayo kundi ang sarili mo lang. Ang hirap diba, lahat ng yan sakripisyo ng isang OFW para sa kanyang mahal sa buhay. Kailangan mong maging masipag bawal ang tamad dahil ikaw din ang maapektuhan nito.

Maagang nakarating sa site si Albert dahil kailangan niyang tapusin ang mga dokumento para sa kanilang proyekto.

“Hello Albert “tinig ng isang babae” Good morning! Siya si Daisy na isa ring engineer sa kanilang kumpanya at kaharap lang ng kanyang cubicle.

“Good morning din sayo Daisy” sagot naman ni Albert. Natapos mo na ba yung pinapagawa ni Boss Khalid na proposal para sa next project natin.

“Hindi pa nga ehhh kasi ang daming revision na pinababago ang client kaya back to scratch ulit yung una nating proposal sabi ni Daisy.

“Ganun ba sige patingin ako ulit para maayos na natin yung mga revision at masubmit natin ulit sa kanila. Tingin ko kulang lang ng details para makita nila yung pinaka proposal natin” dugtong ni Albert.

Kinuha ni Albert ang plano at muli na naman niyang binago ang proposal para sa gagawing bagong proyekto. Pinagtulungan nilang dalawa ang pagsasaayos ng plano para maipasa na ulit nila iyon sa kanilang Managing Director para sa final checking ng kanilang proposal.

Inabot sila ng 11 ng gabi dahil kailangan nilang tapusin dahil deadline na ng submission bukas para makahabol sila sa biding ng nasabing proyekto. Wala naman silang problema sa sasakyan dahil parehas silang may issue na mula sa kanilang kumpanya. Kaya kahit abutin sila ng madaling araw ay makakauwi sila sa kanilang bahay.

"Sana ma approved na ito para may bago tayong kontrata na gagawin" sambit ni Daisy.

"Oo nga kapag na approved ito malamang bibigyan tayo ng break ni bossing at syempre mabibigyan tayo ng increase sa sweldo at maagang promosyon" sabi ni Albert.

“Oo nga at syempre kasama na rin dun ang next posisyon natin wish ko lang sana magkatotoo" sagot naman ni Daisy.

Mga kasunod na kabanata