Ramadan - Middle East

Doha, Qatar – Ang isa sa mga okasyon na inaabangan ng mga Pilipino dito sa parte ng middle east ay ang Eid Mubarak. Ito ang araw na may mahabang bakasyon ang lahat ng nagtatrabaho  sa middle east. Madalas walang pasok ang mga kababayan nating OFW sa mga araw na ito at dito sinasamatala ang mahabang bakasyon para maka-kapag relaks at maka-bonding sa bawat isa

Karamihan sa mga kababayan natin OFW ay nagpaplano na pumupunta sa mga beach at magagandang lugar para pansamantalang maalis ang lungkot at homesick na pagiging OFW. Sama sama at maramihan ika nga nila. Ang buhay ng mga OFW ay sadyang ganito lang kapag Ramadan.

Nitong Agosto 30, 2011 ay sumama ang inyong lingkod sa isang grupo na papunta sa baybay dagat, Sealine beach kung tawagin sa ibabang  parte ng Doha Qatar. Dito rin matatagpuan ang ilang Oil Refinery ng bansang Qatar. Umalis kami ng bandang alas 830 ng gabi at nakarating ng bandang 9:45 ng gabi. Ang kagandahan ng dagat sa babay ng Doha ay aming ninamnam  dahil ang bawat isa sa amin ay sabik na maranasan na maligo sa dagat ng ibang bansa.

Habang lumalim ang gabi ang karamihan sa amin ay nagkanya kanya ng gawa may ilan sa amin ang gumuhit ng magkakaibang hugis ng buhangin at gumawa ng mga kastilo para pansamantalang malibang. Ang iba naman ay tumutog ng gitara at kantahin ang mga makalumang tutuging pinoy. Ang BuhayOFW na aming nararanasan sa ngayon ay isa lang yan sa hindi makakalimutang sandali at karanasan ng bawat OFW na nakikiapag sapalaran sa ibayong dagat.  

Karamihan sa ating mga kababayan na nasa ibang panig ng mundo ay ganito rin ang ginagawa upang libangin ang mga sarili at kalimutan ang mga  problema na kanilang nararanasan sa mga opisina at trabaho. Dito nila itinutuon pansamantala ang bakasyon upang sulitin ang pagiging OFW sa ibang bansa.

Wag lang nating kalimutan ang ibayong pag iingat lalo sa mga  mapapanganib na lugar na ating pinupuntahan upang maiwasan natin ang mga sakuna at panganib. Ang pag iingat po ang lagi nating isa-isip dahil nagpunta po tayo sa ibayong dagat upang magtrabaho at may maibigay sa ating mga pamilya na nag hihintay sa ating bansang Pilipinas.

Isang masayang bakasyon po sa lahat ng BuhayOFW na nasa Gitnang Silangan.