Wednesday, June 27, 2012

PhilHealth Issue Ibasura ang Dagdag Singil



Pinaglalaban ng mga OFW sa buong mundo ang pagbasura sa dagdag singil ng PhilHealth na nais ipataw sa lahat ng mga Pilipinong nais mag trabaho sa ibang bansa. Pinangunahan ng isang social media group na Global OFW Voices at PEBA (Pinoy Expat/OFW Blog Awards) ang pagbabasura tungkol dito. Ito ang kanilang hinaing “OFWs NO TO 100% INCREASE IN PREMIUMS IN JANUARY 1, 2013, IMPROVED BENEFITS, EXPAND DEPENDENTS COVERANGE TRANSPARENTCY AT EASE OF ACCESS FOR OFWS”.

Isang sulat ang kanilang ginawa para kondenahin ang panukalang ito:

“Isang taos pusong panawagan mula sa mga OFW para po sa Presidente ng PhilHealth na si Dr. Eduardo Banzon. Hindi po lahat ng OFW pare pareho ang sweldo at hindi lahat nakikinabang sa serbisyo”.
“Sana po wag ninyo nang dagdagan ng 100% ang bayarin naming na SAPILITAN mula sa P1200 ay magiging P2400 sa January 01, 2013. Maimprove sana muna po yung mga benefits para sa mga OFW,” Global OFW VOICES said.

Sa mahigit na 2.6M na ang miyembro na OFW at 2.5M na dependents nito. Ang dapat kailangan gawin ng PhilHealth ay magkaroon ng magandang serbisyo para sa mga OFW at hindi ang dagdag singil.

Kung ating aalamin lamang ang katotohan, hindi lahat ng OFW ay pare pareho ang kinikitang pera at karamihan sa kanila hindi naging maswerte sa mga kumpanyang pinasukan. Marami sa kanila ang nagtitiis ng gutom at lungkot para lamang makapag ipon ng pera at mabigyan ng magandang kinabukasan ang kanilang mga pamilya.

Kaya ang panawagan ng lahat ng mga OFW pigilan ang pagtaas ng singil sa PHILHEALTH at ayusin ang sistema para sa mga OFW na magkaroon ng magandang benipisyo.

Kung kaisa kayo sa panawagan ito ating pong pagtulungan na mapakinggan ang ating kahilingan bumisita sa FB Account na GLOBAL OFW VOICES at share natin ang kanilang pinaglalaban sa kapakanan ng lahat.



Mabuhay po ang lahat na mga OFW sa buong mundo……..