Friday, August 23, 2013

Anak - Daddy's Home - Peoples Balita



Tunay na mahirap lumisan paalis ng bansa habang nagpapaalam ka sa iyong anak at asawa upang umpisahan ang kontratang pinirmahan mo abroad. Isa na ako sa dumadanas ng kalungkutan dahil halos mag-aapat na taon na akong OFW dito sa Qatar. Isang buwan lang ang bakasyon kada taon at yun lang ang time ng aming pagsasama.

Naalala ko pa nga noong unang sabak ko, sa byahe pa lang ay hirap ang aking kalooban na iwanan ang aking maliliit na anak. Naalala ko rin ang sinabi sa akin ng aking panganay na anak “Papa uwi ka agad ahhh kasi mamimiss kita lalo na sa kama kasi magkatabi tayo sa pagtulog.“ Ang hirap talaga umalis pero wala tayong magagawa dahil nais natin silang bigyan ng magandang buhay.

Hindi madaling magtrabaho sa ibang bansa lalo't hindi mo kasama ang iyong mahal sa buhay parang dinudurog ang iyong kalooban sa tuwing nababalitaan mo silang may karamdaman o may nangyaring kapahamakan. Ako sa aking pagtulog lagi kong tinitignan ang mga litratong nakadikit sa aking dingding dahil iyon lamang ang nagiging lakas ko para tiisin ang lungkot dulot ng paglayo sa kanila.

Ayon na rin sa aking malapit na kaibigan na si Marlon Pamplona na isa ring OFW daddy "Mahirap magtrabaho na malayo sa kanila nangungulila ako sa pagmamahal nila. Kinakaya ko lang tiisin ang lungkot at pagkamiss sa aking pamilya dahil para naman ito sa ikakabuti ng kanilang kalagayan, Kahit malayo ako sa kanila araw araw ko silang iniisip at di ko sila pababayaan upang mabigyan ko sila ng magandang kinabukasan, dahil sila lang buhay ko." totoo naman ang sinabi niya dahil sa likod ng mga magagandang larawan na naka upload sa Facebook kaungkutan ang katotohan nito. 

Kaya sa mga OFW Dad's na nasa ibang bansa be proud dahil kayo ang Bayani at Ama ng inyong pamilya. Maraming salamat po sa gumawa ng kanta ang "Daddy's Home" at ito ay isang patunay lang na Mahal ninyo ang OFW family. Maraming salamat din sa Pinoy Radio Online na siyang nag launch ng kantang ito alam kong lalaganap ito sa buong mundo dahil totoong nakakataba ng puso sa katulad naming OFW.

Hanggang sa muli po ang inyong lingkod BuhayOFW